ရှင်သန်♥ ၀မ်းမြောက်စွာ ကြိုဆိုပါသည် - စံကားဝါ ရဲ့ ကဗျာလေးများ

♥♥ အချစ် နှင့် ခွဲခွာခြင်း ......ကဗျာ ♥♥

လေတဟူးဟူးထဲ
ကိုင်းပင်တွေ နှုတ်ဆက်တေးဆို
ကညာပျိုလို နွဲ့ကာယိမ်းကာနဲ့
အညတရ စမ်းချောင်းလေး နံဘေး
သူ့ရဲ့မျက်ရည် ကို သုတ်
ငါ့ရင်မှာ ပ၀ါအစုတ်စီးပေးလိုက်တယ်

အနမ်းတပွင့် နဲ့ ကမ်းလင့်မယ်ဆိုတဲ့ချစ်သူ
ဘယ်အရာ ကို ဘာကပြန်စား
သေခြာမှု အခန်းဗလာမှာ
စိတ်လှုတ်လှုတ်လေး ပြုတ်မကျမီ
ဒုံးဆိုင်းရူံးထွက်ခဲ့လေပြီ
ငါလေ.........................
ပြေးရင်းနဲ့ ငို၊ ငိုရင်းနဲ့ ပြေးခဲ့ပေမဲ့
ဟိုးအဝေးဆီမှာ
ငါ့ကိုချစ်သော ငါ့ချစ်သူ
သောင်ပြင်မှာ လူးနေခဲ့ပေါ့....................။ ။

♥♥ နန်းသျှင်ဦး........ကဗျာ (၁) ♥♥

အုတ်ကြစ်ကျော်အေး
ရင်ကမွေးကာ
မြန်မာနန်းဆိုက်
မန္တလာသိုက်တွင်
ရွှေမိုက်မပါ
ရွှေစင်သာတည့်
မင်းသွေးမူဟန်
အိနြေ္ဒမာန်နှင့်
ပန်းသခင်မှုး
မြရည်လူးသည်
မြန်မာ့စံမူ နန်းထိုက်သူ.

နန်းသွေးစို့စို့
မို့မို့လျှံဝင်း
ဘော်ဖြူစင်ဖယောင်း
ဆင်းသွယ်နှောင်းကာ
ဖြူညိုညက်ညက်
ရူပါထက်တွင်
မျက်လွာကိုချ
နေညိုလှသည်
တခါဖုးနဲ့
ရူးခဲ့ပြီ.......

သူ့ရင်မေတ္တာ
စေတနာနှင့်
သမားတို့ ထုံး
ရင်ဝယ်သုံးကာ
ကိုယ့်မြို့ကိုယ်ရွာ
ပြည်မြန်မာအတွက်
ပညာကြိုးကုတ် လုံ့လထုတ်ကာ
ကြိုးစားရှာသူ မြသွေးဖြူသည်
ငမောက်မင်းထက် ဖိုးထိုက်သည်
ဟိုး..အရှေ့စွန်း တက်နေ၀န်းသို့
ရွှမ်းရွှမ်းပပ လှခဲ့ပြီ..........။ ။

စံကားဝါ

♥♥ သေရွာသို့ တောင်းဆိုခြင်း ♥♥

ဆရာဇော်ဂျီရေ......
ဆရာရဲ့ မဗေဒါက
ဘယ်ကမ်း ဘယ်စခန်းမှာ
နားရမယ် မသိပေမဲ့
ရေပေါ်မှာ တင့်တင့်တယ်တယ်
ရှင်သန်နိုင်ပါသေးတယ်လေ...

ကျွန်တော်တုိ့ခေတ်
မဗေဒါတွေကတော့
ရောင်စုံမီးရောင်တွေ အောက်မှာ
သွေးသားရောင်းဝယ် ကြရပြီး
ဘယ်ဟိုတယ် ဘယ်တည်းခိုခန်းမှာ
ထမင်းတစ်လုတ် အတွက်
စတေးနေရပြီဆိုတာ
သေရွာက ဆရာရေးမဲ့ ကဗျာလေးကို
နှလုံးသားနဲ့ ဖတ်ချင်တယ်
ဆရာ...........................
(စံကားဝါ)

♥♥ ရုပ်မဲ့ နာမ်မဲ့ အလွမ်း ♥♥

ငါဆာလောင်နေတယ်
ငါ့စိတ်တွေကလဲ
လေရူးမွှေလို့ ကြွေရတဲ့
ရွက်ဝါလေးလို
နားခိုရာ ရင်ခွင်နဲ့
ဝေးချီတခါ
နီးချီတလှည့်နဲ့ပေါ့

အောက်မျက်ဝန်း မှာ
ခိုသီတုန်ဝဲနေတဲ့
မျက်ရည်စတွေကလဲ
နွေမှာဝင်တဲ့ ဖုန်စလေး
မိုးမှာရွာတဲ့ မိုးစက်ငယ်နဲ့
ဆောင်းဦးနှင်းမှုန်လေးတို့နဲ့ အတူ
ချော်လဲရောထိုင် ငိုတက်ခဲ့တာ
ကြင်နာမှုကို ငတ်မွတ်လို့တဲ့လေ........။ ။

(စံကားဝါ)

♥♥ ရွှေလက်တွဲစဉ် ...က ♥♥

ဟိုး...........မိုးကုတ်စက်ဝိုင်းကြီးကို
နှလုံးသားနဲ့ကြည့်နေမိတယ်
အစိမ်းနုရောင်မြမြလေး သမ်းနေတဲ့
ကွင်းပြင်ကျယ်ကြီးထဲမှာ
သစ်လွင်တဲ့လေနုအေးလေးတွေကြောင့်
ငါ့ရဲ့နှလုံးသားတစ်စုံဟာ
ကောင်းကင်ယံကို ပျံတက်သွားကြလေပြီ
လူတွေရဲ့အမြင့်ဆုံးမှာနေတဲ့အရာက
သူမရဲ့အလှကိုအစွမ်းကုန်
ဖြည့်ဆည်းပေးနေကြလေရဲ့..

နှင်းဆီပန်းလေးတွေ
ပွင့်အာလာတဲ့အချိန်မှာတော့
ဂီတသံလေးတွေဟာ
လေညှင်းနဲ့အတူ လှပစွာ
စီးမျောလာတာကို တွေ့နေရတယ်
..ချစ်တယ်မောင်ရယ်..

အစ္စရေး-လက်ဘနွန်
တိုက်နေကြတယ်
မြောက်ကိုရီးယားက
နျုဒုံးတွေ စမ်းနေတယ်
မီတာခ နှစ်ဆတက်သွားတယ်

ဒါပေမဲ့........
ကျွန်တော် ပျော်ပါတယ်
ပန်းနုရောင်လေးနှစ်ဘက်သို့
ညင်သာစွာ နမ်းလိုက်ချိန်မှာတော့
သစ်ခေါက်ရနံလေးတွေ
ကြိုင်လှောက်သွားခဲ့တယ်လေ

...သွားကြစို့နော်...တဲ့
ဟုတ်ပါတယ်..
ရွှေအိုရောင်ပတ်ဝန်းကျင်ဟာ
ညနေရဲ့အသံတွေကိုပါ
ခါချနေပါပြီ
သို့ပေမဲ့..
စိန်စီထားတဲ့အနက်ရောင်
ကတ္တီပါပေါ်မှာ
ချစ်သူကို ယုယစွာရစ်ပတ်ခွင့် ရဦးမှာပဲလေ။ ။

စံကားဝါ

♥♥ ဧရာဝတီ ♥♥

သူ့ဝတ်ရုံလေး တလွင့်လွင့်နဲ့ပေါ့
ဘာကိုမှ စိတ်မ၀င်စားတဲ့ ပုံနဲ့
ခတ်မဆိပ်နေလေရဲ့
သူမလေ..
အားလုံးကို မြင်ခဲ့ပါရဲ့နဲ့
နေနိုင်လိုက်တာ..........

သွေးတွေကို လိမ်းကျံဖူးသလို
တေးတွေကိုလဲ ဖန်တီးနိုင်ပါသတဲ့
အမြဲတမ်းလှပအောင် နေတက်တဲ့
သူမကို ကျွန်တော်လဲ
ချစ်ပါတယ်........

ကျွန်ုပ်တို့ရဲ့ အောင်မြင်မှု
ကျဆုံးမှုတွေမှာ
သူမဟာ....
ထဲထဲဝင်ဝင် ပါခဲ့ဖူးသူတယောက်ပါ........။ ။

စံကားဝါ