ရှင်သန်♥ ၀မ်းမြောက်စွာ ကြိုဆိုပါသည်

http://kooo002.multiply.com/market/item/13 မှ ဖတ်မိတာလေးကို မြတ်နိုးလို့ သိမ်းထားတာပါ

မြန်မာဗုဒ္ဓဘာသာဝင်တိုင်း သိထားသင့်သည့်တကယ့်ဖြစ်ရပ်မှန်ဇာတ်လမ်း

♥♥ တို့အမျိုးတို့ဘာသာအတွက်မို့ ရတက်ပွေလီ ♥♥

စာရေးသူ ဗဟန်းမြို့နယ် ၊ ရွှေကျင်သုံးထပ်ကျောင်းမှာနေတုန်းက ဖြစ်ပါတယ် ။ တစ်နေ့မှာ အလွန်ရင်းနှီးတဲ့ ဦးပဉ္ဇင်းတစ်ပါးက စာရေးသူထံကို ရောက်ရှိလာပြီး သူ့ရဲ့ဒကာ ဧည့်သည် တစ်ယောက် စာရေးသူနေတဲ့ ရွှေကျင်သုံးထပ်ကျောင်းမှာ တစ်ပတ်လောက် တည်းခိုခွင့်ပြုဖို့ အကူအညီတောင်းပါတယ် ။ စာရေးသူကလည်း - “ တပည့်တော်နေတဲ့ ကျောင်းထက်စာရင် ဦးဇင်းနေတဲ့ကျောင်းက ပိုပြီးသင့်လျော်ပါ တယ် ။ တပည့်တော် ဒီကျောင်းမှာ နေရတာက စာသင်သားအဖြစ်နဲ့နေရတာ ၊ ဦးဇင်းကဦးဇင်း နေတဲ့ကျောင်းမှာ ဆရာတော်ပြီးရင် ဦးဇင်းပဲရှိတာမဟုတ်လား ။ နောက်ပြီး ဦးဇင်းကျောင်းမှာ ဧည့်ကျောင်းလည်း သတ်သတ်ရှိနေသားပဲ ။ ဦးဇင်းကျောင်းမှာပဲ ဧည့်သည်ကို ထားလိုက်ပါ “ “ ငါ့ကျောင်းမှာ ဧည့်သည်အတွက် နေရာထိုင်ခင်းပေးစရာမရှိလို့ မဟုတ်ဘူး ။ ဒီဧည့် သည်က ငါ့ကျောင်းမှာ တည်းလို့မဖြစ်လို့ ။ ဒါကြောင့် မင်းဆီကို အကူအညီလာတောင်းရတာ ပါ “ “ ဦးဇင်းကျောင်းမှာ ဘာလို့တည်းမဖြစ်ရတာလဲ “ “ မင်းနောက်တော့ သိလာမှာပေါ့ကွာ ။ ငါ့ကိုသာ အကူအညီပေးပါ “ စာရေးသူနဲ့ အဲဒီဦးဇင်းဟာ တစ်ပါးနဲ့တစ်ပါး ကျေးဇူးမကင်းကြတဲ့အတွက် သူ့ရဲ့အကူ အညီတောင်းဆိုမှုကို မငြင်းသာတော့ပဲ မိမိရဲ့ နေရာကျဉ်းကျဉ်းလေးမှာ ဧည့်သည်ကို လက်ခံ လိုက်ရပါတယ် ။ ညနေသုံးနာရီထိုးလောက်ရောက်တော့ ဧည့်သည်နှင့်အတူ ရောက်လာကြပါတယ် ။ ဧည့်သည်ကိုကြည့်လိုက်တော့ သူ့ရဲ့ဥပဓိရုပ်က အသားမဲမဲ ၊ မျက်လုံးပြူးပြူး ၊ နှာခေါင်းချွန်ချွန် နဲ့ဆိုတော့ မြန်မာလူမျိုးစစ်စစ် မဟုတ်မှန်းသိလိုက်ရပါတယ် ။ ဒါပေမယ့် “ ခြေ ၊ လက် ၊ နဖူး ၊ တစ်တောင် ၊ ဒူး “ ဆိုတဲ့ ထိခြင်းငါးပါးနဲ့ညီအောင်ရှိခိုး ဦးချပြီး အရိုအသေပြုနေတဲ့ ပုံစံကို ကြည့်ခြင်းအားဖြင့် ဒီဧည့်သည်ဟာ မြန်မာလူမျိုးမဟုတ်ပေ မယ့် ကိုးကွယ်သည့်ဘာသာက ဗုဒ္ဓဘာသာဆိုတာ သိလိုက်ရပါတယ် ။ အဲဒီဧည့်သည်နဲ့ စာရေးသူဟာ နှစ်ရက်သုံးရက်လောက်ရောက်တော့ ခင်မင်ရင်းနှီးသွား ခဲ့ပါတယ် ။ သူ့နာမည်ကအောင်ကျော်မိုးလို့သိရပါတယ် ။ လူမျိုးမတူပေမယ့်ကိုးကွယ်ယုံကြည် တဲ့ဘာသာက တူညီနေတော့ တစ်ယောက်နဲ့တစ်ယောက် ဗုဒ္ဓတရားတော်တွေရဲ့အနှစ်သာရ တွေကိုလည်း ဆွေးနွေးဖြစ်ကြပါတယ် ။ နောက်ပြီး သူ့ရဲ့အကြောင်း တစေ့တစောင်းကိုလည်း သူကိုယ်တိုင်ပြောပြလို့ သိခဲ့ရပါတယ် ။ “ တပည့်တော်ရဲ့ အဖေအမေတွေက မြန်မာလူမျိုးတွေမဟုတ်ကြဘူး ။ ကိုးကွယ်တဲ့ ဘာသာကလည်း ဗုဒ္ဓဘာသာမဟုတ်ဘူး ။ အဖေအမေတွေက ဗုဒ္ဓဘာသာမြန်မာလူမျိုးတွေ မဟုတ်ကြပေမယ့် တပည့်တော်ကတော့ မြန်မာလူမျိုးကိုလည်းချစ်တယ် ။ နောက်ပြီးဗုဒ္ဓဘာ သာကိုလည်း ငယ်ငယ်လေးထဲက စိတ်ဝင်စားခဲ့ပြီး ယုံကြည်ခဲ့ပါတယ် ။ အဲဒါကြောင့် ဗုဒ္ဓစာပေ တွေကို လက်လှမ်းမှီသလောက် ရှာဖွေဖတ်ရှုခဲ့တယ် ။ ဗုဒ္ဓတရားတော်တွေဟာ လိုက်နာကျင့် သုံးနိုင်သူတွေအဖို့ စိတ်ရဲ့ငြိမ်းချမ်းမှုနဲ့ ဘ၀ရဲ့အနှစ်သာရဖော်ဆောင်မှုတွေကို အပြည့်အ၀ပေး စွမ်းနိုင်တယ်ဆိုတာ သိခဲ့ရတယ် ။ ဒါကြောင့်မို့ တပည့်တော်ရဲ့ ဘ၀ကိုလည်း ဗုဒ္ဓတရားတော် တွေနဲ့အညီ တည်ဆောက်သွားဖို့ စိတ်ကိုဒုန်းဒုန်းချပြီး ဗုဒ္ဓဘာသာထဲကို ၀င်ရောက်ခဲ့တယ် ။ တရားစခန်းတွေမှာလည်း ၀ိပဿနာကျင့်စဉ်ကို လေ့လာသင်ယူပြီး တရားအားထုတ်ခဲ့တယ် ။ တပည့်တော် ဒီရန်ကုန်ကပြန်ရင်လည်း တပည့်တော်တို့မြို့လေးမှာရှိတဲ့ မိုးကုတ်ရိပ်သာတရား စခန်းမှာ တရားအားထုတ်ဖို့ စာရင်းတောင်သွင်းခဲ့ပြီးပြီ “ “ အခုလိုရိပ်သာတွေဝင် ၊ တရားတွေအားထုတ် ၊ နောက်ပြီး ဗုဒ္ဓစာပေတွေ လေ့လာ သင်ယူနေတာကို ဘာသာခြားဖြစ်တဲ့ ခင်ဗျားမိဘတွေက သဘောတူကြည်ဖြူမှု ရှိကြရဲ့လား “ “ သူတို့ကတော့ ဘယ်သဘောတူပါ့မလဲဘုရား ၊ ဒါပေမယ့် လူဆိုတာ ကိုယ်ယုံကြည် ရာကို လွတ်လပ်စွာ ကိုးကွယ်ခွင့်ရှိရမယ်လေ ။ မိဘတွေ ကိုးကွယ်တဲ့ဘာသာကို ကိုယ်က မကြိုက်ဘဲနဲ့ မျက်စိမှိတ်ကိုးကွယ်လို့ ဘယ်ဖြစ်ပါ့မလဲ “ “ အခုလို ဗုဒ္ဓဘာသာအပေါ် လေ့လာသင်ယူပြီး အလေးအနက်ထားယုံကြည်တာကို ဦးဇင်းတို့က ကြိုဆိုပါတယ် “ “ မှန်ပါ့ဘုရား ၊ တပည့်တော်လည်း ဗုဒ္ဓစာပေတွေနဲ့ ကျင့်စဉ်တွေကို ဆက်လက်ကြိုးစား သင်ယူပါ့မယ် “ စာရေးသူဟာ သူတစ်ပါးပြောတာကို လွယ်လွယ်နဲ့ယုံကြည်တတ်တဲ့ အလေ့မရှိပါဘူး ။ အဲဒါကြောင့် ဗုဒ္ဓဘာသာအပေါ် ဘယ်လောက်အထိ လေ့လာသင်ယူထားသလဲဆိုတာ သိချင် တာနဲ့ အနည်းအပါး တီးခေါက်ကြည့်ပါတယ် ။ အဲဒီအခါ တော်တော်လေး လေ့လာသင်ယူထား တာကို တွေ့ရပါတယ် ။ မိုးကုတ်ဆရာတော်ဘုရားကြီးရေးဆွဲခဲ့တဲ့ ပဋိစ္စသမုပ္ပါဒ်စက်ဝိုင်းကြီးကိုလည်း ကျွမ်းကျင် ပိုင်နိုင်စွာ ရှင်းပြနိုင်ပါတယ် ။ နောက်ပြီး ဘုရားဂုဏ်တော် ၊တရားဂုဏ်တော် ၊သံဃာ့ဂုဏ်တော် သမ္ဗဒ္ဓေ ၊ ပရိတ်ကြီး (၁၁)သုတ်စတဲ့ ရသင့်ရထိုက်တဲ့ ဘုရားစာ ၊ တရားစာတွေကိုလည်း အလွတ်ပြန်ဆိုနိုင်လောက်အောင် ရထားပါတယ် ။ ဒါဟာ သာမန် ဗုဒ္ဓဘာသာထက်သာလွန်တဲ့ အချက်တွေပဲဖြစ်ပါတယ် ။ ဒီဧည့်သည်နဲ့ပတ်သက်ပြီး စာရေးသူစိတ်ဝင်စားနေတာတစ်ခုကျန်ပါသေးတယ် ။ သူ့ရဲ့ မျိုးရိုးဇာတိနဲ့ကိုးကွယ်တဲ့ဘာသာကို သိခဲ့ရပြီးဖြစ်ပေမယ့် စာရေးသူနဲ့ရင်းနှီးတဲ့ ဦးဇင်းရဲ့ ကျောင်းမှာ ဘာလို့တည်းခိုခွင့် မပြုတာလဲဆိုတဲ့ အချက်ပါပဲ ။ အဲဒါနဲ့ ရင်းနှီးတဲ့ ဦးဇင်းအလာ ကို စောင့်မနေတော့ပဲ “ ဒါနဲ့နေစမ်းပါဦး ၊ ဒကာလေးက ဘာကိစ္စနဲ့ရန်ကုန်ကိုလာတာလဲ ။ ဒကာလေးဦးဇင်း ကရော သူ့ကျောင်းမှာ ဘာလို့တည်းခိုခွင့်မပြုတာလဲ “ “ တပည့်တော် ထူးထူးခြားခြားကိစ္စကတော့ ဘာမှမရှိပါဘုရား ။ တပည့်တော်နဲ့ချစ်ကြိုက် နေတဲ့ မိန်းကလေးက ရောဂါတစ်ခုနဲ့ ရန်ကုန်ဆေးရုံကြီးမှာ ခွဲစိတ်ကုသမှုခံယူရမှာ သူနဲ့သူ့မိဘ ညီအစ်ကိုမောင်နှမတွေက အဲဒီကျောင်းမှာ တည်းကြမှာဆိုတော့ တပည့်တော်က ဘယ်တည်း လို့ဖြစ်ပါ့မလဲ “ “ ဒကာလေးတို့က ရန်ကုန်ကို အတူတူလာကြတာမဟုတ်ဘူးလား “ “ မဟုတ်ဘူးဘုရား ။ တပည့်တော်က နောက်ရက်မှ သူတို့မသိအောင်လိုက်လာခဲ့တာ “ “ ဘာလဲ သူ့မိဘတွေက ခင်ဗျားနဲ့သဘောမတူဘူးလား “ “ ဘယ်တူပါ့မလဲဘုရား ၊ သူ့မိဘတွေက တပည့်တော်နဲ့လူမျိုးမတူ ၊ ဘာသာမတူလို့ သဘောမတူတာတဲ့ ။ တပည့်တော်လည်း သူ့မိဘတွေ သဘောတူကြည်ဖြူမှုရှိအောင် ဗုဒ္ဓဘာ သာထဲလည်းဝင်ပြီးပြီပဲ ။ ဒါတောင် သူ့မိဘတွေက အခုချိန်အထိ သဘောမတူသေးဘူး ။လူမျိုး မတူတာတော့ တပည့်တော်လည်း ဘာတတ်နိုင်မှာလည်း ဘုရား “ “ ဒါဆိုရင် ခင်ဗျားက ဗုဒ္ဓဘာသာထဲကို တစ်ကယ်နှစ်နှစ်ကာကာယုံကြည်လို့ ၀င်တာ မဟုတ်ဘဲ အဲဒီမြန်မာမိန်းကလေးကိုလိုချင်လို့ ဗုဒ္ဓဘာသာထဲ ၀င်ခဲ့တာပေါ့ “ “ အဲဒီလိုလည်း မဟုတ်ပါဘူးဘုရား ။ တပည့်တော် အဲဒီမိန်းကလေးကိုလည်းချစ်တယ် ၊ ဗုဒ္ဓဘာသာကိုလည်းစိတ်ထဲ ၊ နှလုံးသားထဲက တကယ်ယုံကြည်ခဲ့တာပါ “ “ ဦးဇင်းအတွေ့အကြုံအရ သာဓကလေးတစ်ခု ပြောပြမယ်နော် ၊ ဒကာလေးလည်းစိတ် မဆိုးနဲ့ ၊ ဒီလိုသာဓကတွေကတော့ အများကြီးရှိပါတယ် ။ ဒါပေမယ့် တစ်ခုပဲပြောပြမယ် ။ ဒကာလေးက ဦးဇင်းနဲ့ လူမျိုးခြားနေပေမယ့် ဘာသာတူနေလို့ ပြောပြတာပါ “ “ ပြောပြပါဘုရား ၊ တပည့်တော် စိတ်မဆိုးပါဘူး “ “ ပြောဆိုလို့သာပြောရမှာ အားတော့နာနာ ၊ လူမျိုးခြား ဘာသာခြားတွေဟာ မြန်မာမ လေးကိုရမယ်ဆိုရင် ကလိမ်ကကျစ်နဲ့ အလိမ်အညစ်တွေ အသုံးပြုပြီး ယူတတ်ကြတယ် ။ ခင် ဗျားကို ရည်ရွယ်ပြီးပြောတာတော့ မဟုတ်ဘူးနော် ။ တစ်ချို့လူမျိုးခြား ၊ ဘာသာခြားတွေက မြန်မာမိန်းကလေးနဲ့ချစ်ကြိုက်ပြီဆိုရင် မရသေးခင်တော့ ဗုဒ္ဓဘာသာကို ကိုးကွယ်မယ်ပြောပြီး တကယ်တမ်း လက်ထပ်ပြီးတဲ့အခါမှာတော့ သူတို့ဘာသာထဲကိုရောက်အောင် ခေါ်သွားကြ တယ် ။ အထူးသဖြင့် သူတို့က သူတို့မျိုးဆက်သစ်တွေကိုပဲ အဓိကထားကြတယ် ။ ရွာတစ်ရွာ မှာဆိုရင် ဘာသာခြားအမျိုးသားတစ်ဦးနဲ့ ဗုဒ္ဓဘာသာအမျိုးသမီးညားထားတာရှိတယ် ။ အဲဒီ ဘာသာခြားဆိုရင် သူကိုယ်တိုင်ကဗုဒ္ဓဘာသာအမည်ခံထားပြီး ရွာဦးဘုန်းတော်ကြီးကျောင်းမှာ ဘုရားဂေါပကလူကြီးတောင် ၀င်လုပ်နေတယ် ။ ဒါပေမယ့် သူ့သားသမီးတွေကျတော့ ပညာ သင်ကြားရအောင်ဆိုတဲ့အကြောင်းပြချက်တွေနဲ့ မြို့က သူ့မိဘတွေဆီမှာ ပို့ထားတယ် ။ အဲဒီ ကလေးတွေအားလုံးက သူ့အဘိုးအဘွားတွေကိုးကွယ်တဲ့ ဘာသာခြားကိုပဲကိုးကွယ်ကြတယ်။ ဒါဟာဖြစ်သင့်သလား ၊ မဖြစ်သင့်လားဆိုတာ ဒကာလေးကိုယ်တိုင်စဉ်းစားစေချင်တယ် ။ဒကာ လေးလို အသက်အရွယ်လေးရလာလို့ အသိဥာဏ်နဲ့ယှဉ်တဲ့အချိန်ရောက်မှ ကိုယ်ကြိုက်နှစ် သက်တဲ့ဘာသာကို ကိုးကွယ်တယ်ဆိုတာက တစ်မျိုးပေါ့ ။ အခုဟာက ဗုဒ္ဓဘာသာရဲ့အနှစ် သာရကို ဘာမှ မသိခင်ကတည်းက ကလေးတွေအားလုံးဟာ အခြားဘာသာဝင်တွေရဲ့ဇာတ် သွင်းမှုကို ခံလိုက်ရတယ် ။ ဒါဟာ ဗုဒ္ဓကို ယုံကြည်ပါတယ်ဆိုတဲ့ အဖေကိုယ်တိုင်က သူ့မူရင်း ဘာသာထဲကို တစ်ဘက်လှည့်နဲ့ ခေါ်သွားတယ်ဆိုတာ ထင်ရှားနေတယ် ။ အဲဒါဒကာလေး ကိုယ်တိုင် ဟုတ်မဟုတ် ဝေဖန်ဆုံးဖြတ်ကြည့်စမ်းပါ “ “ ဟုတ်ပါတယ်ဘုရား ၊ တစ်ဘက်လှည့်နဲ့ခေါ်ဆောင်သွားသလို ဖြစ်နေပါတယ် “ “ ဒါတင်ဘယ်ကဦးမလဲ ၊ တစ်နေ့မှာ အဲဒီလူမျိုးခြားဘုရားဂေါပကရဲ့ မိန်းမမြန်မာအမျိုးသမီး ဟာ ရောဂါတစ်ခုနဲ့ သေဆုံးသွားတယ် ။ သူ့မိန်းမသေဆုံးလို့ အသုဘရက်လည်ဆွမ်းတောင် မလုပ်ရသေးဘူး ။ နောက်ထပ် သူ့မိန်းမနဲ့ ဆွေမျိုးမကင်းတဲ့ မိန်းကလေးတစ်ယောက်ကို ခိုးယူ ပြီး ထွက်ပြေးသွားတယ် ။ ဒါဟာ ယဉ်ကျေးတဲ့လူမျိုးဆိုရင် ဒါမျိုးမဖြစ်သင့်ဘူး ။ ကိုယ့်မိန်းမ သေဆုံးလို့ ပူဆွေးသောကဖြစ်နေရမယ့်အစား သူက နောက်ထပ် မယားသစ်တစ်ယောက်နဲ့ ပျော်ပါးနေနိုင်တယ် ။ နောက်မိန်းမကျတော့ သူကအနိုင်ကျင့်နိုင်တော့ သူ့မူရင်းဘာသာထဲကို ပဲခေါ်သွားနိုင်ခဲ့တယ် ။နောက်မိန်းမနဲ့ရတဲ့ ကလေးတွေအားလုံးလည်း ဗုဒ္ဓဘာသာတစ်ယောက် မှ ဖြစ်မလာကြဘူး ။ ဘယ်ဖြစ်လာပါ့မလဲ ။ သူကိုယ်တိုင်ကမှ မရိုးမသားနဲ့ ဗုဒ္ဓဘာသာထဲဝင် တယ်ဆိုပြီး ဟန်ဆောင်နေခဲ့တာကိုး ။ သူ့အနေနဲ့ အခြေအနေနဲ့အချိန်အခါကို ကြည့်ပြီး မီးစင် ကြည့်ကသွားတဲ့သဘောပဲ ။ ဒါဟာ လုပ်ကြံပြီး ပြောဆိုနေတာမဟုတ်ဘူးနော် ။ မယုံရင် အဲဒီ ရွာကို ဒကာလေးကိုယ်တိုင်သွားမေးကြည့်နိုင်တယ် ။ ဦးဇင်းကတော့ အမှန်အတိုင်း အားမနာ စတမ်းပြောရမယ်ဆိုရင် အခုဒကာလေးလည်း ဗုဒ္ဓဘာသာကို ကိုးကွယ်နေတယ် ဆိုတာလည်း တကယ့်နှစ်နှစ်ကာကာ ယုံကြည်လို့ ကိုးကွယ်နေတာမဟုတ်ဘဲ ဒကာလေးနဲ့ ချစ်ကြိုက်နေတဲ့ မြန်မာအမျိုးသမီးကို လိုချင်တာနဲ့ ဟန်ဆောင်ပြနေတာလို့ ထင်တယ် “ “ မဟုတ်ပါဘူးဘုရား ၊ တပည့်တော် တကယ်ယုံကြည်လို့ ကိုးကွယ်နေတာပါ “ “ ဒါက ဗုဒ္ဓဘာသာမြန်မာအမျိုးသမီးလေးကို မရခင်ပြောတဲ့စကားပါ ။ တကယ်တမ်း မြန်မာမိန်းကလေးကို ရပြီးသွားရင် ထားရာနေ ၊ စေရာသွားလုပ်မှာပဲမဟုတ်လား ၊ ဦးဇင်းက စောစောကတည်းကသာ မြန်မာမိန်းကလေးနဲ့ပတ်သက်နေတဲ့လူမျိုးခြားဘာသာခြားဧည့်သည် လို့ဆိုတာသိခဲ့ရင် ဒကာလေးကို ဒီကျောင်းမှာလက်ခံဖြစ်မှာ မဟုတ်ဘူး “ “ တပည့်တော်ကတော့ မြန်မာအမျိုးသမီးနဲ့မရလည်း ဗုဒ္ဓဘာသာကိုပဲ ဆက်လက် ကိုးကွယ်သွားမှာပါဘုရား “ “ အေးပေါ့ဗျာ ၊ ဒကာလေးဟာ ဘယ်လိုလူသားလည်းဆိုတာ အခုမဟုတ်တောင် တစ်ချိန်ချိန်မှာတော့ သိလာရမှာပါ ။ ဦးဇင်းကတော့ လုံးဝအယုံအကြည်မရှိတာတော့အမှန်ပဲ ။ ဦးဇင်းနဲ့ဒကာလေးက ဒကာလေးဒီရန်ကုန်က ပြန်သွားရင် တစ်ယောက်နဲ့တစ်ယောက် တွေ့ကြ တော့မှာ မဟုတ်ပါဘူး ။ ဒါပေမယ့် ဦးဇင်းနဲ့ ထူးထူးခြားခြားရင်းနှီးတဲ့ လူမျိုးခြားဒကာလေးကို အမြဲတမ်း အမှတ်ရနေမှာပါ “ “ မှန်ပါ့ဘုရား ၊ တပည့်တော် ဟန်ဆောင်မှု ဗုဒ္ဓဘာသာမဟုတ်ကြောင်း အရှင်ဘုရား ကို သက်သေပြရမှာပါဘုရား “ ဧည့်သည်လူမျိုးခြား ဒကာလေးဟာ စာရေးသူနေတဲ့ကျောင်းမှာ တစ်ပတ်လောက် တည်းခိုပြီး သူနေတဲ့မြို့လေးကို ပြန်သွားပါတယ် ။ သူနေတဲ့မြို့လေးကတော့ ကနောင်မင်း သားကြီး အပိုင်စားခဲ့တဲ့ မြို့လေးပဲဖြစ်ပါတယ် ။ စာရေးသူဟာ လူမျိုးခြားဒကာလေး ပြန်သွားခဲ့ပေမယ့် သူဟာ ဗုဒ္ဓဘာသာကို တကယ် နှစ်သက်ယုံကြည်လို့ ကိုးကွယ်ခဲ့တာလား ။ ဒါမှမဟုတ် မြန်မာမိန်းကလေးကို လိုချင်တာနဲ့ဟန် ဆောင်ကိုးကွယ်ခဲ့တာလားဆိုတာ အတော်လေး စိတ်ဝင်စားခဲ့ပါတယ် ။ မြန်မာမိန်းကလေးနဲ့ လက်ထပ်ပြီးတဲ့အခါ ဗုဒ္ဓဘာသာကို ကိုးကွယ်မှုရှိမရှိဆိုတာလည်း သိချင်နေခဲ့ပါတယ် ။ ဒါပေ မယ့် စာရေးသူနဲ့ အဲဒီဒကာလေးဟာ ဘာအဆက်အသွယ် ၊ ဘာသတင်းမှ မရဘဲ ခုနှစ်နှစ် ၊ ရှစ်နှစ်လောက်အထိ ရှိလာခဲ့ပါတယ် ။ တစ်နေ့ စာရေးသူ ဆွမ်းခံကြွတော့ ဆွမ်းခံအိမ်တစ်အိမ်မှာ မမျှော်လင့်ပဲ အဲဒီမြို့က ဒကာကြီးတစ်ဦးနဲ့ ဆုံဖြစ်ခဲ့ပါတယ် ။ …..မြို့ကလို့လည်းဆိုလိုက်တာနဲ့ လွန်ခဲ့တဲ့ ခုနှစ်နှစ် ၊ ရှစ် နှစ်လောက်က ရင်းနှီးခဲ့တဲ့ လူမျိုးခြားဒကာလေးကို ချက်ချင်းခေါင်းထဲရောက်လာပါတယ် ။ အဲ ဒါနဲ့ စာရေးသူလည်း သူ့အကြောင်းသိချင်တာနဲ့ ဒကာကြီးကို မေးမြန်းကြည့်ပါတယ် ။ “ ဒကာကြီးက …..မြို့ကဆိုတော့ ဓါတ်ပုံရိုက်တဲ့ အောင်ကျော်မိုးကိုသိလား ? “ “ သိပါတယ်ဘုရား ၊ တပည့်တော်တို့အိမ်နဲ့ သူတို့အိမ်က ငါးအိမ်လောက်ပဲခြားတယ် ။ ဒါနဲ့ ဦးဇင်းက အဲဒီကောင်လေးနဲ့ ဘယ်လိုလုပ်သိတာတုန်း “ “ ဦးဇင်းနေတဲ့ကျောင်းကို လွန်ခဲ့တဲ့ ရှစ်နှစ်လောက်က လာတည်းဖူးတယ် ။ ဦးဇင်းကို စပ်စုတယ်လို့တော့ မထင်နဲ့ ၊ အဲဒီ ဒကာလေး အခု အိမ်ထောင်ကျသွားပြီလား “ “ အိမ်ထောင်ကျတာ ကြာလှပေါ့ဘုရား ၊ မရိုသေစကားပြောရရင် သားသမီးတောင် နှစ်ယောက်နဲ့ တစ်ဗိုက်ရနေပြီ “ “ မေးချင်တာက အဲဒါအဓိကမဟုတ်ပါဘူး ဒကာကြီး ၊ အခုသူကိုးကွယ်နေတာက ဘယ်ဘာသာကို ကိုးကွယ်တာလဲ ဆိုတာကို သိချင်နေတာပါ “ “ ဘယ်ဘာသာကိုးကွယ်ရမလဲဘုရား ၊ သူ့မိဘတွေ ကိုးကွယ်တဲ့ဘာသာပေါ့ ။ ဒါနဲ့ ဦးဇင်းက ဘာလို့ စစ်စစ်ပေါက်ပေါက် မေးနေရတာလဲဘုရား “ “ ဘာရယ်လို့တော့ မဟုတ်ပါဘူး ဒကာကြီးရာ ၊ သူဦးဇင်းကျောင်းမှာလာတည်းတုန်းက အိမ်ထောင်မကျသေးဘူး ။ ဗုဒ္ဓဘာသာကိုကိုးကွယ်တဲ့မြန်မာမိန်းကလေးတစ်ယောက်နဲ့ချစ် ကြိုက်နေကြတယ် ။ အဲဒီမိန်းကလေးနာမည်က စန္ဒီချိုလို့ခေါ်တယ်တဲ့ ။ အသားဖြူဖြူချောချော လေး ၊ ဦးဇင်းလည်း တစ်ခါပဲမြင်ဖူးတယ် “ “ ဦးဇင်းပြောတဲ့ ဓါတ်ပုံဆရာအောင်ကျော်မိုးက အဲဒီ စန္ဒီချိုဆိုတဲ့ မိန်းကလေးနဲ့ ရသွား တာပဲ “ “ မသိပါဘူးဗျာ ၊ ဦးဇင်းကျောင်းမှာလာတည်းတုန်းကတော့ အဲဒီအောင်ကျော်မိုးဆိုတဲ့ ကောင်လေးက ဗုဒ္ဓဘာသာကိုးကွယ်မယ်ပြောသွားလို့ “ “ ဒါက မိန်းကလေးမိဘတွေ သဘောတူမလားလို့ ဟန်ဆောင်ပြတာပါ ။ မိန်းကလေး ကလည်း မိုက်ရိုင်းလွန်းပါတယ် ဘုရား ။ သူ့ရုပ်ရည် ၊ သူ့အရည်အချင်း ၊ သူ့မိဘအသိုင်းအ၀ိုင်း နဲ့ဆို တပည့်တော်တို့မြို့မှာ ကြိုက်ရာခေါင်းခေါက်ယူလို့ရရဲ့သားနဲ့ ဒီဘာမဟုတ်တဲ့ကောင်လေး ကို သွားယူရတယ်လို့ တော်တော်လေး နှမြောဖို့ ကောင်းပါတယ် “ “ သူ့မိဘတွေက မတားကြဘူးလား ဒကာကြီး “ “ တားကြတာပေါ့ဘုရား ၊ ၀ိုင်းတားနေတဲ့ကြားက ခိုးရာလိုက်ပြေးသွားတာ ။ စန္ဒီချို နဲ့ မရခင်တုန်းက ဗုဒ္ဓဘာသာထဲကိုဝင်မယ်လို့ ပြောဆိုခဲ့တဲ့လူက မ၀င်တဲ့အပြင် ဗုဒ္ဓဘာသာဝင် ဖြစ်တဲ့ စန္ဒီချိုကိုတောင် သူတို့ဘာသာထဲရောက်အောင် ခေါ်သွားသေးတယ် ။ အခု စန္ဒီချိုဆိုတဲ့ မိန်းကလေးကလည်း ဗုဒ္ဓဘာသာအယူကို စွန့်လွှတ်သွားပြီ “ “ ဒါဆိုရင်တော့ ဦးဇင်းတို့ ဘုန်းကြီးတွေအတွက် ဆွမ်းဒကာမတစ်ယောက်နဲ့ သူ့ရဲ့ ဗုဒ္ဓဘာသာဖြစ်လာမယ့် မျိုးဆက်သစ်လေးတွေ ဆုံးရှုံးသွားပြီပေါ့ဗျာ “ “ ဦးဇင်းကတော့ ကြံကြံဖန်ဖန်ပြောရော့မယ် ။ အဲဒီမိန်းကလေးတစ်ယောက်မရှိလို့ ဘုန်းကြီးတွေ ဆွမ်းမငတ်ပါဘူးဘုရား ၊ ကျန်တဲ့ ဗုဒ္ဓဘာသာမြန်မာလူမျိုးတွေ အများကြီးရှိပါ သေးတယ် ။ သူဆွမ်းမလောင်းလည်းကျန်တဲ့ ဗုဒ္ဓဘာသာတွေက လောင်းလှူမှာပေါ့ “ “ ဒါက ဒကာကြီးရဲ့ ရေရှည်မကြည့်တတ်တဲ့ အတွေးတွေပါ ။ သူတစ်ယောက်တည်း ဆိုရင်တော့ ဟုတ်တာပေါ့ ။ မြန်မာတစ်နိုင်ငံလုံးအတိုင်းအတာနဲ့ ကြည့်မယ်ဆိုရင် ဗုဒ္ဓဘာသာ မြန်မာမိန်းကလေးတွေ လူမျိုးခြားဘာသာခြားတွေနဲ့ညားပြီး လူမျိုးခြားဘာသာခြားဇာတ်ထဲ ၀င် သွားကြတာ ဘယ်နှစ်ယောက်ရှိပြီဆိုတာ ဒကာကြီးမှမသိတာ ။ ဒကာကြီးက တောမြို့လေးမှာ နေတာဆိုတော့ မြန်မာမိန်းကလေးတွေ လူမျိုးခြား ဘာသာခြားတွေနဲ့ ညားတာတွေ သိပ်တွေ့ ဖူးမှာမဟုတ်ဘူး ။ ဦးဇင်းတို့က ရန်ကုန်မြို့မှာနေတာဆိုတော့ အဲဒီလို အမျိုးပျက်ဘ၀ရောက် နေကြတဲ့ မြန်မာအမျိုးသမီးတွေ နေရာအနှံ့မှာ တွေ့မြင်နေရတယ် ။ တော်တော်လေးစိတ်နှလုံး နာဖို့ကောင်းပါတယ်ဗျာ ။ ဦးဇင်းကတော့ ဒီအကြောင်းကို စဉ်းစားမိတိုင်း အသည်းကြွေလုမ တတ် ခံစားရတယ် “ “ အင်း..ဟုတ်တော့ ဟုတ်သားပဲ ။ ဦးဇင်းပြောမှ တပည့်တော် နည်းနည်းသဘောပေါက် ချင်လာပြီ ။ ဒါပေမယ့် ဘယ်တတ်နိုင်ပါ့မလဲဘုရား ။ ဒါမျိုးက ကိုယ်တစ်ယောက်တည်း လုပ်ယူ လို့ရတာမျိုးမှ မဟုတ်တာ ၊ တပည့်တော်တို့မြို့မှာလည်း အဲဒီလိုမျိုး အမျိုးမစောင့်စည်းကြတဲ့ မိန်းကလေးတွေ တော်တော်များများရှိကြတယ် ။ တပည့်တော် တူမတစ်ယောက်တောင် လူ မျိုးခြားနဲ့ညားပြီး လူမျိုးခြား ဘာသာခြားဇာတ်ထဲ ၀င်သွားတာရှိသေးတယ် ။ ဒါပေမယ့် တပည့် တော် ဦးဇင်းလို တစ်ခါမှ မတွေးမိဘူး “ “ ဦးဇင်းလည်း တစ်ချိန်က ဒါမျိုးတွေ မတွေးမိပါဘူးဗျာ ၊ စာပေတွေနဲ့ အသိအမြင်တွေက ပေးလာတဲ့ အတွေ့အကြုံတွေကြောင့် အခုလို သတိထားမိလာတာပါ ။ ဒါနဲ့ ဒကာကြီးရဲ့တူမ အကြောင်း နည်းနည်းလောက် ပြောပြပါလား “ “ တပည့်တော် တူမလည်း သားသမီးလေးယောက်တောင်ရနေပြီ ။ သူကိုယ်တိုင်က လူမျိုးခြား ဘာသာခြားဇာတ်ထဲဝင်သွားတော့ သားသမီးတွေကလည်း လူမျိုးခြား ဘာသာခြား တွေ ဖြစ်သွားကုန်တာပေါ့ ။ ဒီကောင်မလေးက ဆယ်တန်းကျောင်းသူဘ၀ထဲက ဗုဒ္ဓဘာသာ မြန်မာလူမျိုးယောက်ျားလေးတစ်ယောက်နဲ့ ချစ်ကြိုက်ခဲ့ဖူးတယ် ။ အဲဒီကောင်လေးက ဆင်းရဲ တော့ သူ့မိဘတွေက သဘောမတူကြဘူး ။ အဲဒါနဲ့ မိန်းကလေးမိဘတွေက သူ့သမီး ဆင်းရဲ သားနဲ့ညားမှာစိုးလို့ ဆိုပြီး တစ်ခြားမြို့က သူတို့အမျိုးတွေဆီမှာ သူ့သမီးကို သွားပို့ထားတယ် ။ အဲဒီမြို့မှာ အခုရနေတဲ့ လူမျိုးခြား ဘာသာခြား ကောင်လေးနဲ့တွေ့ပြီး ညားသွားကြတော့တာပဲ။ သူ့အမေဆိုရင် သူ့သမီး သူတို့ကြောင့် အမျိုးပျက်ဘ၀ ရောက်ရတယ်ဆိုပြီး အခုချိန်ထိ ယူကြုံး မရ တသသဖြစ်နေရတုန်းပဲ “ “ အဲဒါပေါ့ဗျ ၊ “ မြွေပါလည်းဆုံး ၊ သားလည်းဆုံး “ ဆိုတာ တကယ်လို့သာ ပထမချစ် ကြိုက်ခဲ့တဲ့ မြန်မာယောက်ျားလေးနဲ့ ရမယ်ဆိုရင် လူတော့ ဆင်းရဲချင် ဆင်းရဲမယ် ။ ဒါပေမယ့် အမျိုးပျက်ဘ၀တော့ ရောက်မှာ မဟုတ်ဘူး “ “ အခုလည်း မချမ်းသာပါဘူးဘုရား ။ မွဲလိုက်တာမှ စုတ်ပြတ်သတ်နေတာပဲ ။ သူ့မိဘ တွေအိမ်မှာနေတုန်းကမှ ခြေမွှေးမီးမလောင် လက်မွှေးမီးမလောင် နေခဲ့ရသေးတယ် ။ အခု လမ်းမှာတွေ့ရင် ညိုမြ မှ ဟုတ်ရဲ့လားလို့တောင် ထင်ရသေးတယ် “ “ ကဲ ဒကာကြီးနဲ့စကားတွေကောင်းနေလိုက်တာ ၊ ညိုမြ အကြောင်းတောင် အဆစ်ပါ လာသေးတယ် ။ ဦးဇင်းလည်း တခြားဆွမ်းခံအိမ်တွေ ကြွစရာရှိသေးတယ် “ “ တခြားဆွမ်းခံအိမ်တွေက မီပါ့ဦးမလားဘုရား ၊နာရီက (၁၁)နာရီတောင် ထိုးတော့မယ် " “ မမီလည်း ကိစ္စမရှိပါဘူး ဒကာကြီးရာ ၊ ဦးဇင်းသပိတ်ထဲမှာ တစ်ပါးစာလောက်တော့ ပြည့်စုံနေပါပြီ “ စာရေးသူဟာ ဆွမ်းစားချိန်အမီ ကျောင်းကိုပြန်ရဦးမှာမို့ ပြောလက်စ စကားများကိုဖြတ် ပြီး ကျောင်းကို ပြန်လာခဲ့ပါတယ် ။ အခြားဆွမ်းခံအိမ်တွေ ၀င်စရာရှိသေးပေမယ့် အချိန်မရလို့ မ၀င်တော့ပါ ။ အချိန်ရလည်း ဆွမ်းဝင်ခံလိုစိတ် မရှိတော့ပြီ ။ စာရေးသူရဲ့ ဦးနှောက်ထဲမှာ လွန်ခဲ့တဲ့ရှစ်နှစ်လောက်က မိမိကိုပါ လိမ်ညာသွားခဲ့တဲ့ လူမျိုးခြားဒကာလေးအကြောင်းပဲ ရောက်နေပြီး စိတ်မကောင်း ဖြစ်နေမိပါတယ် ။ ဒီထက်ပိုဆိုးတာက လူမျိုးခြား ဘာသာခြားရဲ့စကားကိုယုံပြီး မိမိကိုယ်တိုင် မြန်မာ့ မိန်းကလေးကို အကျိုးအကြောင်းတွေ ဆီလျော်အောင်ရှင်းပြကာ ပြောဆိုစည်းရုံးမှု မပြုလိုက်ရ တာကိုပဲ ပို၍ စိတ်မကောင်းဖြစ်နေမိပါတယ် ။ ကျောင်းကိုသာ ပြန်ခဲ့ရပေမယ့် ခြေလှမ်းတွေက အရင်လို မသွက်လက်တော့ပါ ။ ကြိုးနဲ့တုတ်နှောင်ထားတဲ့အလား တုန့်ဆိုင်းတုန့်ဆိုင်းဖြစ်နေ သလို ခံစားရပါတယ် ။ ဒီဆောင်းပါးလေးကို ရေးပြီးသွားတော့ ဗုဒ္ဓဘာသာမြန်မာအမျိုးသမီးလေးတွေ သတိ ပေးစကားလေးတွေကို ပြောချင်ပါသေးတယ် ။ လူမျိုးခြား ၊ ဘာသာခြားတွေဟာ မြန်မာမလေး တွေကိုရမယ်ဆိုရင် ကလိမ်ကကျစ်နဲ့အလိမ်အညစ်တွေ သုံးတတ်ကြတယ် ဆိုတာပါပဲ ။ ဒါကို မြန်မာမိန်းကလေးတိုင်း သိထားသင့်ပါတယ် ။ အချို့ မြန်မာမိန်းကလေးတွေဟာ လူမျိုးခြား ၊ ဘာသာခြားတွေရဲ့စကားကိုယုံပြီး ဘ၀ကိုစုပုံအပ်နှင်းတတ်ကြပါတယ် ။ မြန်မာမိန်းကလေး တွေကို မရခင်တုန်းကတော့ ဗုဒ္ဓဘာသာကို ကိုးကွယ်မယ်လို့ဆိုခဲ့ပေမယ့် တကယ်တမ်း လက် ထပ်ပြီးတဲ့အခါမှာတော့ ကိုယ်ကတောင် သူ့ဘာသာကိုလိုက်ပြီး ကိုးကွယ်ယုံကြည်ရပါတယ် ။ ဒါကြောင့်မို့ မြန်မာမိန်းကလေးတိုင်း လူမျိုးခြား ၊ ဘာသာခြား ဆိုရင် အယုံမလွယ်ဖို့ ၊ အရော မ၀င်ဖို့ ၊ ဘ၀ကိုစုပုံပြီး မအပ်နှင်းဖို့ နောက်ပြီး မိမိတို့ အမျိုးဘာသာအပေါ်မှာ သစ္စာစောင့်သိဖို့ လေးနက်စွာ တိုက်တွန်းလိုက်ပါတယ် ။

ကျမ်းညွှန်း -

အရှင်ပညောဘာသ ( ဖိုးပညော-သပိတ်ကျင်း )

ငွေနဲ့ပေါက်လို့ဘာသာမပျောက်စေနဲ့